O‘zLiDePdan 1-O‘.Jumaniyozov saylov okrugiga saylangan tuman Kengashi deputati Lola Xojaniyazova Beruniydagi 48-maktab binosida o‘z saylovchilariga 2026-yilning I choragi yakuni bo‘yicha axborot berdi.

Uchrashuvda “Mahalla yettiligi”, aholi va jamoatchilik vakillari hamda tegishli tashkilot mutasaddilari ishtirok etishdi. Prezident Qaror va Farmonlari ijrosi bo‘yicha deputatlik nazorati natijalari, aholidan tushgan murojaatlar yechimi yuzasidan tegishli tashkilotlarga chiqarilgan deputatlik so‘rovlariga javoblar holatlari yuzasidan axborot berildi. Tadbirda “Mahalla — Kengash — Senat” tamoyili asosida joylardagi muammolarni hal etish bo‘yicha aniq ma’lumotlar taqdim etildi.

Chorak davomidagi asosiy ko‘rsatkichlar:

Aholidan jami 13 ta murojaat kelib tushgan.

Muammolar yuzasidan 6 ta deputatlik so‘rovi chiqarilgan

3 ta murojaat joyida ijobiy yechim topgan, 4 tasi bo‘yicha tushuntirish ishlari olib borilgan.

Hal etilgan muhim masalalar:

“O‘. Jumaniyozov — Shabboz dehqon bozori” yo‘nalishida aholi uchun arzon va qulay Damas mashinalari qatnovi yo‘lga qo‘yildi.

Hududda tabiiy gaz bosimi me’yorlashtirildi.

Bir nafar nogironligi bo‘lgan o‘quvchiga amaliy yordam ko‘rsatildi.

Shuningdek, uchrashuv davomida aholidan ichki yo‘llarga qum-shag‘al aralashmasi to‘kish, tomorqalarga oqava suv masalasi va elektr energiyasidagi uzilishlar bo‘yicha ham yangi murojaatlar tinglandi. Bitta murojaat bo‘yicha deputat so‘rovi yuborildi. 2 ta murojaat yuzasidan huquqiy tushintirish berildi.