“Men ham ko‘chat ekaman” aksiyasi doirasidagi ishlar Olmazor tumanida davom etmoqda

  “Yashil makon” umummilliy loyihasi hamda “Men ham ko‘chat ekaman” aksiyasi doirasida bugun Olmazor tumani Moyariq mahallasida yangi “Yashil bog‘” barpo etish maqsadida ko‘chat ekish ishlari olib borildi.

 Aksiya davomida 26.000 kv.m yashil maydonga jami 400 tupdan oshiq — chinor, gujum, klyon, lola daraxti, ko‘chatlar ekildi.

 Mazkur ekologik tashabbusda Toshkent shahar hokimi Shavkat Umurzakov, xalq deputatlari Olmazor tumani Kengashi raisi Shaxnoza Umarxodjayeva va tuman deputatlari, tuman hokimi, mas’ul mutasaddilar, qator tashkilotlar rahbarlari hamda xodimlari faol ishtirok etdi.

 Tadbirda ishtirok etgan nuroniylar va mehmonlar uchun bayramona dasturxon yozilib, sumalak, osh tortilib hamda ijro etilgan konsert dasturi mahalla ahliga ko‘tarinki kayfiyat ulashdi.