Tashabbusli budjetning 

1-mavsumi yakunlandi

2026 yilning 1-mavsumi doirasida “Tashabbusli budjet” jarayonlari viloyatimizda faol va uyushqoqlik bilan o‘tkazildi. Xususan, joriy mavsumda jami 1 532 ta taklif “Ochiq budjet” axborot portali orqali ilgari surildi. Bu esa aholining o‘z yashash muhitiga daxldor masalalarda befarq emasligini yana bir bor tasdiqlaydi.

Jarayonga viloyatdagi barcha 754 ta mahalla fuqarolar yig‘ini to‘liq qamrab olindi. Har bir mahallada o‘rtacha 3 tadan taklif kiritilgani tashabbuslar ko‘lamining kengligidan dalolat beradi.

Ovoz berish bosqichida ham fuqarolarning faol ishtiroki kuzatildi. Yakuniy natijalarga ko‘ra, umumiy qiymati 230,6 milliard so‘m bo‘lgan 157 ta loyiha g‘olib deb topildi.

Eng muhimi, fuqarolarning taklif va tashabbuslari orqali mahallalardagi muammolar manzilli hal etilib, aholi turmush sharoitini yaxshilashga xizmat qilmoqda.