🏥 #Aholiga o‘zi vaqtida sifatli tibbiy yordam ko‘rsatilishi holati o'rganildi.

Nurafshon shahrida aholiga ko‘rsatilayotgan tibbiy yordam sifatini oshirish va muassasalarni xalqqa yanada yaqinlashtirish ustuvor vazifa bo‘lib qolmoqda. Shu maqsadda, “Yoshlik” MFY hududida yangi tashkil etilayotgan Oilaviy poliklinikaning joriy holati o‘rganildi.

O‘rganish jarayonida Xalq deputatlari Nurafshon shahar Kengashi kotibiyati mudiri K.Umarboyev hamda “Adolat” SDP shahar kengashi raisi ishtirok etishdi.

Asosiy e’tibor quyidagilarga qaratildi:

🔹 Binoning ta’mirlanish holati va xonalarning tibbiy standartlarga mosligi;

🔹 Zamonaviy tibbiy uskunalar bilan jihozlanish darajasi;

🔹 Aholi uchun qulay kirish yo‘laklari va kutish zallarining tashkil etilishi.

Yaqin kunlarda ushbu shifo maskani foydalanishga topshirilishi natijasida mahalla ahlisining uzoqqa bormasdan, o‘z hududida sifatli tibbiy ko‘rikdan o‘tish imkoniyati kengayadi.