Jalaquduq tumanida aholi o`rtasida huquqiy ong va moliyaviy xavfsizlikni oshirish maqsadida muhim
davra suhbati tashkil etildi. Xalq deputatlari Jalaquduq tuman Kengashi deputati B.Bazarova tashabbusi bilan tuman Kadastr bo`limi xodimlari ishtirokida “Firibgarlikdan ogoh bo`ling” mavzusida ochiq muloqot o`tkazildi. 

Davra suhbati davomida bugungi kunda keng tarqalayotgan firibgarlik turlari, ayniqsa internet va telefon orqali amalga oshirilayotgan aldovlar haqida atroflicha ma`lumotlar berildi. Fuqarolarni bunday holatlardan himoya qilish, shaxsiy ma`lumotlarni asrash va shubhali takliflarga aldanmaslik bo`yicha tavsiyalar berildi. Tuman Kadastr bo`limi
rahbari o`rinbosari K.Baxtiev ham so`zga chiqib, sohada uchrayotgan muammolar va ularning yechimlari yuzasidan o`z fikr-mulohazalarini bildirdi. Shuningdek, kadastr xizmatlaridan foydalanishda aholi ehtiyotkor bo`lishi lozimligi ta`kidlandi. Uchrashuv yakunida ishtirokchilar o`zlarini qiziqtirgan savollarga javob olib, bunday tadbirlar aholi o`rtasida huquqiy madaniyatni oshirishda muhim ahamiyat kasb etishi ta`kidlandi.