📌 QONUNCHILIK TARG‘IBOTI OLIB BORILDI

👤 Xalq deputatlari Sherobod tumani Kengashining 20-Mexrabod saylov okrugi deputati J. Qodirov tomonidan o‘z mehnat jamoasida targ‘ibot tadbiri tashkil etildi.

📖 Tadbir davomida O‘zbekiston Respublikasining 2012-yil 26-apreldagi 327-sonli “Oilaviy tadbirkorlik to‘g‘risida”gi qonunining mazmun-mohiyati atroflicha tushuntirildi. Xususan, oilaviy tadbirkorlikni rivojlantirish, aholi bandligini ta’minlash, daromad manbalarini kengaytirish hamda tadbirkorlik faoliyatini qo‘llab-quvvatlash borasidagi imkoniyatlar haqida batafsil ma’lumot berildi.

💬 Shuningdek, tadbir ishtirokchilari o‘zlarini qiziqtirgan savollarga javob oldilar hamda qonunchilikdagi yangiliklar yuzasidan fikr almashdilar.

✅ Bunday targ‘ibot tadbirlari aholining huquqiy savodxonligini oshirish va tadbirkorlik faoliyatini yanada rivojlantirishda muhim ahamiyat kasb etadi.