Xalq deputatlari Tuproqqalʼa tuman Kengashi deputati F. Seydabdullayeva tomonidan tuman Axborot kutubxona markazida “Vijdon erkinligi va diniy tashkilotlar to‘g‘risida”gi O‘zbekiston Respublikasi Qonuni (№ O‘RQ-699) mazmun-mohiyatini keng jamoatchilikka yetkazish maqsadida targ‘ibot tadbiri tashkil etildi.

Tadbir davomida fuqarolarga mazkur qonunning asosiy yo‘nalishlari, unda belgilangan huquq va majburiyatlar, vijdon erkinligining jamiyat hayotidagi o‘rni hamda diniy bag‘rikenglikni mustahkamlashdagi ahamiyati haqida batafsil tushuntirishlar berildi.

Shuningdek, ishtirokchilar tomonidan berilgan savollarga atroflicha javoblar qaytarilib, ochiq muloqot tashkil etildi. Bunday targ‘ibot tadbirlari aholining huquqiy savodxonligini oshirish va jamiyatda totuvlik hamda o‘zaro hurmat muhitini mustahkamlashga xizmat qiladi.