Xalq deputatlari Muzrabot tumani Kengashiga 7-Qo‘rg‘oncha okrugidan saylangan deputati Norqobilov Shuhrat Ravshanovich tumandagi “Gulobod” MFYda mahalla yettiligi va tadbirkorlik subyektlari faoliyatini o‘rgandi.

Dastlab deputat "Gulobod " mahallasida - mahalla raisi va hokim yordamchisi bilan suhbatlashib, bu yerda aholi bandligini ta’minlash, tadbirkorlikni rivojlantirish borasida olib borilayotgan ishlar bilan qiziqdi.

Shundan so‘ng, mahalla hududiga chiqib, mahalladagi tadbirkorlik bilan shug‘ullanayotgan fuqarolar bilan uchrashdi. Jumladan, “Muhammadjon- Sevinch” oilaviy korxonasi rahbari Qurbonova Mastona xonadoniga bordi. Ushbu oilaviy korxona 2024-yildan tashkil etilib, faoliyati bo‘yicha 3 xil turdagi antifriz (avtomobil dvigatelini sovutish tizimi uchun maxsus muzlatmaydigan suyuqlik, qishda muzlashdan va yozda qaynatishdan saqlaydi) mahsulotini ishlab chiqaradi. Korxonada 5 nafar ishchilarning doimiy bandligi ta’minlangan. Oilaviy korxona rahbari o‘z oldiga kelajakda sifatli mahsulotlar sonini ko‘paytirgan holda ish o‘rinlari sonini oshirishni maqsad qiligan.

O‘rganish davomida tadbirkorni bugungi kunda qiynab kelayotgan muammo va soha bo‘yicha bildirgan takliflarini tingladi. Tadbirkor ishlab chiqarish korxonasi faoliyatini kengashtirish uchun qo‘shimcha bo‘sh joyga ehtiyoji borligini ma’lum qildi.

Deputat korxona rahbari tomonidan taqdim etilgan masalani e’tiborga olib, bu bo'yicha tumandagi tegishli mas’ul tashkilot rahbariga murojaat qilib yechimini qilish yuzasidan vazifa belgilab oldi.