✔️Xalq deputatlari tuman Kengashi deputati Sherzod Ortiqov Toyloq tumanidagi Bunyodkor mahallasida bo‘lib, aholi bilan yuzma-uz muloqot o‘tkazdi. Uchrashuv doirasida u mahalla “yettiligi” a’zolari bilan uchrashib, hududdagi ijtimoiy-iqtisodiy holat, amalga oshirilayotgan ishlar hamda mavjud muammolar yuzasidan fikr almashdi. 

 ✔️Uchrashuv davomida deputat tomonidan fuqarolar qabuli ham tashkil etildi. Qabul jarayonida aholi tomonidan asosan yo‘llarni ta’mirlash, elektr energiyasi ta’minotini yaxshilash hamda ichimlik suvi bilan bog‘liq muammolar ko‘tarildi. Har bir murojaat atroflicha o‘rganilib, ularni hal etish bo‘yicha tegishli taklif va tavsiyalar ishlab chiqildi. 

  ✔️Sherzod Ortiqov mahallada amalga oshirilayotgan obodonlashtirish ishlari bilan ham tanishib, ayrim kamchiliklarga e’tibor qaratdi. U ayniqsa infratuzilmani yaxshilash, aholi turmush sharoitini yanada oshirishga qaratilgan chora-tadbirlarni jadallashtirish zarurligini ta’kidladi. 

  ✔️Deputat tomonidan bildirilgan takliflar asosida yo‘l, elektr va suv ta’minoti bilan bog‘liq masalalarni bosqichma-bosqich hal etish yuzasidan mas’ul tashkilotlarga tegishli ko‘rsatmalar berildi. Shuningdek, ko‘tarilgan muammolar deputat nazoratiga olinib, ularning ijrosi doimiy ravishda monitoring qilib borilishi qayd etildi.

🌐 https://t.me/uzlidep_samarqand