Xalq deputatlari Jondor tumani Kengashiga 1-Tinchlik saylov okrugidan saylangan deputat I. Xolov, O‘zbekiston XDP tuman kengashi raisi B. Enazarov hamda tuman Kengashi kotibiyati bosh mutaxassislari J. Norov va R. Murodovlar hududda amalga oshirilayotgan investitsiya loyihalari holatini o‘rgandilar.

O‘rganishlar davomida mavjud investitsiya loyihalarining ijrosi, ularning iqtisodiy samaradorligi, yangi ish o‘rinlari yaratishdagi o‘rni hamda aholiga yaratilayotgan qulayliklar bilan tanishdilar.

 Shuningdek, tadbirkorlar bilan muloqot o‘tkazilib, ularning taklif va muammolari tinglandi. Deputatlar tomonidan investitsion muhitni yanada yaxshilash hamda loyihalarni jadallashtirish yuzasidan tegishli tavsiyalar berildi.