Tashrif davomida sinf xonalari, kutubxona va o‘quv jarayonining borishi ko‘zdan kechirilib, ta’lim sifatini yanada oshirish yuzasidan fikr-mulohazalar bildirildi.

 Shuningdek, 2-aprel — Xalqaro bolalar kitobi kuni munosabati bilan maktabning faol va kitobsevar o‘quvchilari ishtirokida “Kitob — hayot sabog‘i” mavzusida ma’naviy-ma’rifiy davra suhbati tashkil etildi.

 Tadbir davomida kitob o‘qishning inson tafakkurini kengaytirish, dunyoqarashni boyitish va ma’naviy barkamollikka erishishdagi beqiyos ahamiyati haqida so‘z yuritildi. Ta’kidlanganidek, mutolaa qilgan insonni na vaqt, na muammo to‘xtata oladi.

 Suhbat jarayonida o‘quvchilarga kitob mutolaasini kundalik odatga aylantirish, hech bo‘lmaganda har kuni bir sahifa kitob o‘qish orqali o‘z ustida ishlash zarurligi bo‘yicha foydali tavsiyalar berildi.

 Tadbir yakunida deputatlar o‘z shaxsiy kutubxonalaridan saralangan kitoblarni maktab kutubxonasi fondiga hamda faol o‘quvchilarga sovg‘a qildilar. Bu esa yoshlar orasida kitobxonlik madaniyatini yanada rivojlantirishga xizmat qiladi.

 Bunday tashrif va uchrashuvlar yosh avlodni bilim olishga, kitobga mehr qo‘yishga va yuksak ma’naviyatli inson bo‘lib kamol topishiga zamin yaratadi.