Xalq deputatlari Toyloq tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi L. Muminova hamda tuman Kengashi qoshida tashkil etilgan Yoshlar maslahat guruhi a’zolari M. Yusupova va M. Qurbonovalar Toyloq tumani davlat xizmatlari markazida bo‘lib, aholiga ko‘rsatilayotgan davlat xizmatlari sifati yuzasidan fuqarolar bilan bevosita suhbat o‘tkazdilar.

✔️Muloqot jarayonida fuqarolarning murojaatlari, taklif va mulohazalari tinglanib, davlat xizmatlarini ko‘rsatishda qulayliklar yaratish, ortiqcha byurokratik to‘siqlarni bartaraf etish hamda xizmatlar sifati va tezkorligini oshirish masalalariga alohida e’tibor qaratildi.

✔️Uchrashuv davomida O‘zbekiston Respublikasi Konstitutsiyasi, “Davlat xizmatlari to‘g‘risida”gi Qonun hamda “Fuqarolarning murojaatlari to‘g‘risida”gi Qonun talablari asosida aholiga sifatli, shaffof va qulay xizmatlar ko‘rsatish davlat organlarining ustuvor vazifalaridan biri ekani ta’kidlandi.

✔️Shuningdek, yoshlar vakillarining bunday jarayonlarda faol ishtiroki fuqarolar bilan ochiq muloqotni yo‘lga qo‘yish, ularning muammolarini joyida o‘rganish va amaliy yechimlar ishlab chiqishda muhim ahamiyat kasb etishi qayd etildi.

✔️Mazkur tadbir hududda davlat xizmatlari tizimini yanada takomillashtirish, fuqarolarning davlat organlariga bo‘lgan ishonchini mustahkamlash hamda ochiqlik va hisobdorlik tamoyillarini ta’minlashga xizmat qiladi.

🌐 https://t.me/Toyloq_tuman_Kengashi