✔️O‘zbekiston Respublikasi Prezidentining PQ-392-sonli qaroriga muvofiq, hududlarda iqtisodiy faollikni oshirish, yangi ish o‘rinlari yaratish va investitsiya loyihalarini kengaytirish borasida tizimli ishlar amalga oshirilmoqda. Ana shunday muhim tashabbuslardan biri Toyloq tumanida ham izchil davom etmoqda. 

  ✔️Xususan, Urgut erkin iqtisodiy zonasining Toyloq filiali hududida, “Xo‘jaqishloq” massivida joylashgan 15 gektar bo‘sh yer maydonida yirik investitsiya loyihasini amalga oshirish rejalashtirilgan. Mazkur hududda muhandislik-kommunikatsiya tarmoqlari barpo etilib, qishloq xo‘jaligi mahsulotlarini qayta ishlashga ixtisoslashgan zamonaviy korxona tashkil etiladi. 

  ✔️Mazkur loyihaning borishi bilan tanishish maqsadida Xalq deputatlari Toyloq tumani Kengashi deputati N.Mo‘minova, tuman hokimining o‘rinbosari Sh.Haydarov, Xo‘jaqishloq mahallasi raisi F.Rahmonqulov hamda tuman Kengashi kotibiyati bosh mutaxassisi G.Rajabovalar joyiga chiqqan holda o‘rganish ishlarini olib bordilar. 

  ✔️O‘rganishlar davomida belgilangan vazifalar ijrosi yuzasidan amalga oshirilayotgan ishlar ko‘zdan kechirildi. Ayni paytda, qishloq xo‘jaligi mahsulotlarini qayta ishlash korxonasini tashkil etish bo‘yicha loyiha ishlari jadal sur’atlarda davom etmoqda. Infratuzilmani shakllantirish maqsadida elektr ta’minoti tarmoqlarini tortish ishlari amalga oshirilgani esa loyihaning amaliy bosqichga o‘tganini ko‘rsatadi. 

  ✔️Rejaga ko‘ra, mazkur korxona 2026–2027 yillar davomida to‘liq ishga tushirilishi ko‘zda tutilgan. Uning faoliyatga kirishi natijasida hududda yangi ish o‘rinlari yaratilishi, aholi bandligi ta’minlanishi va mahalliy iqtisodiyot rivojiga sezilarli hissa qo‘shilishi kutilmoqda.

🌐 https://t.me/Toyloq_tuman_Kengashi