Maktabgacha ta’lim muassasasida o‘rganish olib borildi.

🏛 Xalq deputatlari Oqdaryo tumani Kengashining 14-Zarafshon saylov okrugi deputati A.Nozimov tomonidan Zarafshon mahallasi hududida joylashgan 12-davlat maktabgacha ta’lim tashkilotida deputatlik nazorati doirasida o‘rganish ishlari olib borildi.

👶 O‘rganish jarayonida muassasada bolalar uchun yaratilgan shart-sharoitlar, tarbiyaviy va ta’limiy jarayonlarning tashkil etilishi, guruh xonalarining jihozlanishi hamda bolalarning xavfsiz va qulay muhitda tarbiyalanayotgani atroflicha ko‘zdan kechirildi.

🎨 Shuningdek, bolalarni ma’naviyatli, milliy qadriyatlarimizga sodiq etib tarbiyalash borasida amalga oshirilayotgan ishlar bilan ham yaqindan tanishildi. Milliy an’analar asosida o‘tkazilayotgan mashg‘ulotlar, tarbiyaviy tadbirlar va bolalarning ijodiy qobiliyatlarini rivojlantirishga qaratilgan ishlar ijobiy baholandi.

📚 Muassasada ta’lim-tarbiya sifatini yanada oshirish, zamonaviy metodlarni joriy etish hamda bolalarning har tomonlama rivojlanishi uchun zarur sharoitlarni yaxshilash yuzasidan tegishli tavsiyalar berildi.

🤝 Yakunda aniqlangan ayrim kamchiliklarni bartaraf etish, mavjud imkoniyatlardan samarali foydalanish hamda kelgusida ishlarni yanada takomillashtirish bo‘yicha mas’ullarga aniq vazifalar yuklatildi.