🔹“Katta qashqar” mahalla fuqarolar yig‘inida 6 gektar maydonda 26 ta issiqxona qurilmoqda. Bugungi kunda Uchko‘prik tumani
"Katta Qashqar" mahalla fuqarolar yig‘inidagi 1367 ta xonadonning 900 dan ortig‘ida limon yetishtirilmoqda. Limonchilik va ko‘chatchilik hududning asosiy drayveri hisoblanadi. 

Vazirlar Mahkamasining “Respublikada limonchilik sohasini qo‘llab-quvvatlash bo‘yicha qo‘shimcha chora-tadbirlar to‘g‘risida”gi
qaroriga asosan mahallada limonchilikni yanada rivojlantirish maqsadida yoshlar uchun ijaraga berilgan yer maydonlarida issiqxonalar qurilishi belgilangan. 

Mazkur qaror ijrosi doirasida “Turonbank” ATB ko‘magida 6 gektar yer maydonida 26 ta issiqxona qurilmoqda. Mazkur
issiqxonalarga 4 ming tupdan ziyod serhosil limon ko‘chatlari ekilib, bosqichma-bosqich issiqxonalar sonini va hosildorlikni oshirib borish ko‘zda tutilgan. 

Limon ko‘chatlari hosilga kirgunga qadar issiqxonalarda sabzavot va poliz ekinlari ekilib, qo‘shimcha daromad olinmoqda. 

  Xalq deputatlari Uchko‘prik tumani Kengashi