Xalq deputatlari Olmaliq shahar Kengashi deputati Nargiza Atakulova hamda Kengash kotibiyati bosh mutaxassisi Mukarram Ne’matullayeva tomonidan "Olmaliqovul" mahallasida xotin-qizlar faolining 2026-yilning birinchi choragi davomida amalga oshirgan ishlari atroflicha o‘rganildi.

🔍O‘rganish jarayonida quyidagi masalalarga asosiy e’tibor qaratildi:

📂"Ayollar daftari": Ro‘yxatga olingan xotin-qizlarga ko‘rsatilgan amaliy yordamlar, xususan, bandlikni ta’minlash va moddiy ko‘mak masalalari;

🏥 Ijtimoiy himoya: Ehtiyojmand ayollarning davolanish xarajatlarini qoplash, psixologik va huquqiy maslahatlar berish tizimi;

⚖️Oilaviy masalalar: Oilaviy ajrimlarning oldini olish va ma’naviy-axloqiy muhitni sog‘lomlashtirish choralari;

📝Hujjatlar bilan ishlash: Har bir ko‘rsatilgan yordamning asoslantiruvchi hujjatlari bandma-band ko‘zdan kechirildi.

Uchrashuv yakunida deputat va kotibiyat mutaxassisi tomonidan xotin-qizlar muammolarini hal etishda manzillilikni ta’minlash bo‘yicha zarur tavsiyalar berildi.