PQ-35-sonli qaror doirasida targ‘ibot ishlari olib borilmoqda 2026–2027-yillarda Jizzax viloyatini ijtimoiy-iqtisodiy rivojlantirishni jadallashtirish bo‘yicha qo‘shimcha chora-tadbirlar to‘g‘risidagi PQ-35-sonli O‘zbekiston Respublikasi Prezidentining qarori ijrosini ta’minlash hamda uning mazmun-mohiyatini aholi o‘rtasida keng targ‘ib etish maqsadida Gʻallaorol tumanida tizimli ishlar amalga oshirilmoqda. Xalq deputatlari Gʻallaorol tuman Kengashi deputati M.Boboyeva Ko'kgumbaz MFY saylovchilari bilan uchrashdi. Qaror asosida Ko‘kgumbaz mahallasi hududidan o‘tgan M-39 xalqaro yo‘li bo‘yida savdo va servis shaxobchalari tashkil qilish uchun tadbirkorlarni zaruriy infratuzilma bilan ta’minlash (ko‘chani (karman) asfalt qilish, ko‘cha chiroqlari, lotok o‘rnatish) hamda mahalla hududidan o‘tuvchi yo‘l bo‘yida 2,5 gektar yer maydonida xizmat ko‘rsatish, savdo obyektlari hamda yuk mashinalari turargohi markazi barpo etilishi bu mahallaning yashash tarzini yanada yaxshilanishiga muhim qadam bo'lishini ta'kidladi.