Yurtimizda yoshlar o‘rtasida kitobxonlik targ‘ibotiga bag‘ishlangan, ularni mutolaaga qiziqtirishga qaratilgan turli tadbirlar o‘tkazib kelinmoqda. Bugun Ishtixon tumani maktabgacha va maktab ta’limiga qarashli 42-umumiy o‘rta ta’lim maktabida ham ana shunday tadbirlardan biri - kitob yarmarkasi tashkil etildi. Unda o‘quvchilarning yoshiga mos bo‘lgan, turli janrlarda yozilgan kitoblar o‘rin oldi.
Kitoblar yarmarkasida o‘quvchilar o‘zlari uchun o‘zbek, qoraqalpoq va jahon adabiyotining nodir asarlari, bolalar adabiyoti va turli janrlarda chop etilgan kitoblarni olish imkoniyati yaratilib berildi.
Xalq deputatlari Ishtixon tuman Kengashi deputati N.Qiyamov ham badiiy kitoblar jamlanmasini maktab kutubxonasiga sovg‘a qildi.