Yangi hayot uchun, Yangi O‘zbekiston uchun! O‘zbekiston Respublikasi Prezidenti Shavkat Mirziyoyev raisligida 2023-yil 22-dekabr kuni o‘tkazilgan Respublika Ma’naviyat va ma’rifat Kengashi yig‘ilishida berilgan topshiriqqa muvofiq, “Yangi hayot uchun, Yangi O‘zbekiston uchun!” shiori ostida “Mahallada duv-duv gap” loyihasi doirasida mahallalarda ma’naviy-ma’rifiy targ‘ibot tadbiri bo‘lib o‘tdi. Xususan, bugun Toyloq tumani 1-sektor hududidagi Do‘stlik mahallasida o‘tkazilgan tadbirda ishtirok etgan Toyloq tuman hokimining o‘rinbosari J.Haqberdiyev, tuman
Kengashi deputati U.Usmonov, mahalla faollari, nuroniylar, din ulamolari YangiO‘zbekistonni bunyod etish yo‘lida amalga oshirilayotgan keng ko‘lamli islohotlar hamda erishilayotgan yutuqlarni xalqimizga aniq hayotiy misollar va dalillar orqali sodda va tushunarli shakllarda yetkazish, yoshlar ma’naviyatini yuksaltirish hamda ularning faol munosabatda bo‘lishlari haqida so‘z yuritdilar. Tadbir san’atkorlar tomonidan ijro etilgan kuy-qo‘shiqlar bilan davom ettirildi.