Xalq deputatlari Ishtixon tuman Kengashiga O‘zXDP tomonidan saylangan deputat Nurali Qiyamov Ishtixon tuman Ichki ishlar bo‘limi profilaktika inspektori Nurbek Rizayev bilan birgalikda tumandagi 42-umumiy o‘rta taʼlim maktabida taʼlim-tarbiya jarayoni samaradorligini oshirish, voyaga yetmaganlarning nazoratsiz-qarovsiz qolishlarini oldini olish, o‘quvchilarning dars mashgʻulotlariga qatnashishi, davomati bo‘yicha amalga oshirilayotgan ishlar bilan tanishdi. 

Uchrashuv jarayonida deputat tomonidan yoshlarga mamlakatimizda ro‘y berayotgan o‘zgarishlar, yosh avlodga yaratilib berilayotgan imkoniyatlar, oliy ta’limga qabul parametrlari o‘sgani, a’lo baholarga o‘qiyotgan yoshlar uchun maxsus stipendiyalar joriy etilayotgani, yoshlarning kasb-hunarni o‘rganishda katta e’tibor berilayotganligi e’tirof etildi. 

Uchrashuv davomida yoshlar o‘zlarini qiziqtirayotgan savollarga javob olish bilan birga yechimini kutayotgan muammolarini o‘rtaga tashladilar. Deputat o‘rganilgan masalalarni mutasaddilar hamkorligida ko‘rib chiqib, ijobiy hal etishga kirishgan.