Bu haqda viloyat hokimi E.Turdimov bugun, 22-dekabrda qabul qilgan “Xalq deputatlari Samarqand viloyati Kengashining navbatdagi oltinchi chaqiriq, to‘qson to‘rtinchi sessiyasini chaqirish muddatini ko‘chirish to‘g‘risida”gi qarorida ma’lum qildi. Unga ko‘ra, Xalq deputatlari Samarqand viloyati Kengashining 2023-yil 22-dekabr kuni chaqirilgan oltinchi chaqiriq to‘qson to‘rtinchi sessiyasi 2023-yil 28-dekabr kuni o‘tkazilishi belgilandi.

Sessiya kun tartibiga quyidagi masalalar kiritildi:

viloyat mahalliy byudjetining qo‘shimcha manbalaridan foydalanish to‘g‘risida;

xalq deputatlari Samarqand viloyati Kengashining 2022-yil 29-dekabrdagi “Samarqand viloyatining 2023-yilgi mahalliy byudjetning tasdiqlash to‘g‘risida” VI-79-250-7-0-K/22-son qaroriga o‘zgartirishlar kiritish;

Samarqand viloyatining 2024-yilgi mahalliy byudjetini tasdiqlash to‘g‘risida;

boshqa masalalar.