Sessiyani Kengash kotibiyati mudiri S.Usmonov olib bordi.

Sessiya kun tartibida quyidagi masalalar ko'rib chiqildi:
 

1. O‘zbekiston Respublikasi Prezidentining 2022-yil 28-yanvardagi “2022 — 2026-yillarga mo‘ljallangan yangi O‘zbekistonning taraqqiyot strategiyasi to‘g‘risida” PF-60-sonli Farmoni ijrosi bo‘yicha viloyat Iqtisodiyot va moliya bosh boshqarmasi B.Mirzayev hamda viloyat Kambag‘allikni qisqartirish va bandlik bosh boshqarmasi T.Mahmudovlarning hisobotlari haqida;

2. Viloyat Sog‘liqni saqlash boshqarmasi boshlig‘i vazifasini bajaruvchisi S.Zayniyevning viloyatda sog‘liqni saqlashni rivojlantirishga oid davlat dasturlarining bajarilishi, kasalliklar profilaktikasining holati, sog‘lom turmush tarzini va to‘g‘ri ovqatlanishni shakllantirish, shuningdek, sog‘liqni saqlashning asosiy ko‘rsatkichlari to‘g‘risidagi hisoboti haqida;

3. Viloyat hokimining 2023-yil 8-noyabrdagi “Viloyat mahalliy byudjetining 2023-yil I va II chorak daromadlar rejasini orttirib bajarilgan qismi hisobidan foydalanish to‘g‘risida”gi 312-7-0-Q/23-sonli qarorini tasdiqlash to‘g‘risida;

4. Viloyat mahalliy byudjetining qo‘shimcha manbalaridan foydalanish to‘g‘risida;

5. Samarqand viloyatida avtomobil yo‘llari obyektlarini qurish va ta’mirlash ishlarini yana-da takomillashtirish bo‘yicha qo‘shimcha chora-tadbirlar to‘g‘risida;

6. Xalq deputatlari viloyat Kengashining 2022-yil 18-martdagi “Viloyat mahalliy byudjetining qo‘shimcha manbalaridan foydalanish to‘g‘risida”gi
VI-59-63-7-0-K/22-sonli qarori bilan ajratilgan mablag‘ining tejab qolingan qismini yo‘naltirish to‘g‘risida;

7. Xalq deputatlari viloyat Kengashining 2022-yil 17-iyundagi
“Xalq deputatlari viloyat Kengashi doimiy komissiyalarini qayta tuzish va shaxsiy tarkibini tasdiqlash to‘g‘risida”gi VI-65-132-7-0-K/22-son qaroriga o‘zgartirish kiritish haqida;

8. Samarqand viloyat prokuraturasining 2023-yil 27-oktyabrdagi 10.2/5/23-sonli taqdimnomasini ko‘rib chiqish to‘g‘risida.