Mirobod tumanidagi "Tolariq" va “Yangi Mirobod” mahallalarida tuman "Xalq qabulxonasi" rahbari I.Akramov, xalq deputatlari Mirobod tuman Kengashi deputatlari A.Ahmedov, A.Karimov va tuman hokimining o‘rinbosari F.Madaminova ishtirokida fuqarolar uchun navbatdagi sayyor qabul o‘tkazildi.  

Sayyor qabulda 30 dan ortiq murojaatlar tinglandi. Aholini qiynab kelayotgan muammolardan ichki yo‘llarni taʼmirlash, ijtimoiy-iqtisodiy, shuningdek kunning dolzarb masalalaridan biri-kuz-qish mavsumiga tayyorgarlikning borishi kabi masalalarning yechimi yuzasidan soha masʼullariga takliflar berilib, va ko‘rib chiqilgan bir qator masalalar o‘z yechimini topdi.  

Sayyor qabulda tuman hokimligining bo‘lim boshliqlari, mutasaddi rahbarlari ishtirok etishdi.