Oltinchi noyabr kuni Xalq deputatlari Mirobod tumani Kengashining 93-sessiyasi bo‘lib o‘tdi. 

Dastlab sessiyada Mirobod tumani hokimining birinchi o‘rinbosari – Ashraf Salaydinov tumanda oilaviy
tadbirkorlikni rivojlantirish dasturi asosida ajratilgan kreditlar samaradorligini taʼminlash borasida 2023 yilning 3-chorak yakuni bo‘yicha amalga oshirilgan ishlar to‘g‘risida hisobot berib o‘tdi. 

Taʼkidlandiki, 2023-yilda oilaviy tadbirkorlikni rivojlantirish dasturi doirasida tumanda jami 12 045 mln.so‘m
imtiyozli kreditlar ajratilishi rejalashtirilgan bo‘lib, 39 ta mahallalar kesimida ishlab chiqilgan va tasdiqlangan reja-grafigi asosida joriy yilning III-chorak yakuni bo‘yicha jami 140 nafar fuqaroga 3,3 mlrd.so‘m imtiyozli kredit mablag‘lari ajratilgan. 

Shuningdek, sessiyada yig‘ilganlar O‘zbekiston Respublikasi Prezidentining “Hududlarni kompleks
ijtimoiy-iqtisodiy rivojlantirish bo‘yicha sektorlar faoliyatini yana-da takomillashtirishga doir qo‘shimcha chora-tadbirlar to‘g‘risida”gi qarori ijrosi bo‘yicha Mirobod tumanida 2023 yil 3-choragi yakuni bo‘yicha amalga oshirilgan ishlar va dolzarb masalalar yuzasidan tuman hokimi, 1-sektor rahbari – Anvar Sayfutdinovning, tuman prokurori, 2-sektor rahbari Axror Axunovning, tuman IIO FMB boshlig‘i, 3-sektor rahbari - Otabek Xodjayevning, tuman DSI rahbari, 4-sektor rahbari - Xabibulla Inomovning hisobotlarini tingladilar.