Ona tilim – Faxrim 

 Til – davlat timsoli, mulki, ruhi, millatning
madaniy va ma’naviy boyligi, xalqning madaniyati, urf-odati, uning turmush
tarzi, tarixidir. 

1989 yilning 21
oktyabr kuni Vatanimizda davlat tilining huquqiy asoslarini belgilash bo‘yicha
“Davlat tili to‘g‘risida”gi Qonun qabul qilinib, unga ko‘ra O‘zbek tiliga -
Davlat tili maqomi berildi. 

 “O‘zbek tili bayrami kunini belgilash
to‘g‘risida” 2020 yil 10 aprelda qabul qilingan O‘zbekiston Respublikasi
Qonunining (O‘RQ-615-son) 1-moddasi bilan 21 oktyabr sanasi O‘zbek tili bayrami
kuni etib belgilandi. 

 O‘zbek tiliga davlat tili maqomi
berilganiga 34 yil to‘lishi va mazkur sana “O‘zbek tili bayrami” sifatida
nishonlanishi munosabati bilan butun respublika miqyosida qator
madaniy-ma’rifiy tadbirlar tashkil etilmokda. 

 Shu munosabat bilan, O‘zbekiston
“Adolat” SDP tuman Kengashi raisi N.Karimov, Xalq deputatlari Farg‘ona tuman
Kengashi deputatlari O.Dadajonova, N.Isaqov, F.Mirzayev, tuman hokimi
o‘rinbosari I.Toshpo‘latov, kotibiyat bosh mutaxassisi Sh.Raximovlar “Ona tilim
- Faxrim” mavzusidagi targ‘ibotda faol ishtirok etdilar.