Bozataw rayonı hákimliginiń májilisler zalında Xalıq deputatları Bozataw rayonlıq Keńesiniń gezektegi 21-sanlı sessiyası ótkerildi.
Bozataw rayonı hákimliginiń májilisler zalında Xalıq deputatları Bozataw rayonlıq Keńesiniń gezektegi 21-sanlı sessiyası ótkerildi.

Bolıp ótken sessiya jumısına siyasiy partiyalar, rayon hákiminiń orınbasarları, rayondaǵı mákeme, kárxana, shólkem basshıları hám jergilikli ǵalaba xabar quralları wákilleri qatnastı.Sessiya dawamında jámi 11 másele kórip shıǵıldı.

1.Ózbekstan Respublikası Prezidenti basshılıǵında ótkerilgen videoselektor májilisindegi wazıypalardan kelip shıǵıp, xalıqtıń mashqalaları menen islesiwde Qashqadárya wálayatınıń Qarshi qalası tájriybesin nátiyjeli jolǵa qoyıw maqsetinde Bozataw rayonında puqaralardıń múrájatları menen islesiw boyınsha 2026-jıl I shereginde alıp barılǵan jumısları haqqında.
Esabat beriwshi: Rayon hákimi B.O.Ubbiniyazov

2.Bozataw rayonı aymaǵında ayrıqsha jaǵdaylardıń aldın alıw baǵdarında 2026-jıldıń I sheregi dawamında ámelge asırılǵan jumıslar haqqında rayon hákimi – Puqaralıq qorǵanıw baslıǵı B.Ubbiniyazovtıń esabatı haqqında.
Esabat beriwshi: Rayon hákimi B.O.Ubbiniyazov

3.Bozataw rayonı prokurorınıń Ózbekstan Respublikası Prezidentiniń PQ-1 hám PQ-2-sanlı qararlarınıń orınlanıwı boyınsha málimlemesi.
Málimleme beriwshi: Bozataw rayonı prokurorı J.Ashirbayev

4.Bozataw rayonı IIB baslıǵınıń rayon aymaǵında huqıqbuzarlıqlardıń aldın alıw hám olardıń profilaktikası boyınsha 2026-jıldıń 3 ayı dawamında ámelge asırılǵan jumısları haqqında.
Esabat beriwshi: Bozataw rayonı IIB baslıǵınıń birinshi orınbasarı S.Kurbanbaev.

5.Rayonlıq Ishki isler bóliminiń jámiyetlik qáwipsizlik xızmeti, tárepinen 2026-jıldıń 3 ayı dawamında ámelge asırılǵan jumısları haqqında.
Esabat beriwshi: Bozataw rayonı IIB baslıǵı orınbasarı A.Allamuratov

6.Bozataw rayonı Ekonomika hám finans bóliminiń 2025-jıl juwmaǵı boyınsha rayon jergilikli byudjetiniń orınlanıwı hám rayon jergilikli byudjetiniń qosımsha deregi 2026-jıl 1-yanvar jaǵdayına anıqlanǵan erkin qaldıq qarjılarınan paydalanıw jónelisi haqqında.
Málimleme beriwshi: Bozataw rayonı Ekonomika hám finans bólimi baslıǵı orınbasarı B.Jumanov.

7.«Baslamalı byudjet» processiniń 2026-jıl 1-máwsiminde jeńimpaz bolǵan joybarlardı qarjılandırıw haqqında.
Málimleme beriwshi: Bozataw rayonı Ekonomika hám finans bólimi baslıǵı orınbasarı B.Jumanov.

8. Bozataw rayonı hákimi orınbasarı - Shańaraq hám hayal-qızlar bólimi baslıǵınıń 2026-jıl I sherek dawamında alıp barılǵan jumısları haqqında.
Esabat beriwshi: Bozataw rayonı hákimi orınbasarı - Shańaraq hám hayal-qızlar bólimi baslıǵı A.Xojageldieva.

9. Bozataw rayonı «Insan» sociallıq xızmetler orayı tárepinen Ózbekstan Respublikası Ministrler Kabinetiniń 2023-jıl 10-noyabrdegi 596-sanlı “Sociallıq qorǵawdıń birden-bir reestri málimleme sisteması arqalı kem támiyinlengen shańaraqlardı anıqlaw hám olarǵa sociallıq napaqalar tayınlaw boyınsha elektron tárizde arza beriwdi engiziw ilajları haqqında”ǵı qararınıń Bozataw rayonında orınlanıwı barısı hám 2026-jıldıń I shereginde ámelge asırǵan jumısları haqqında.
 Esabat beriwshi: Bozataw rayonı «Insan» sociallıq xızmetler orayı direktorı D.Kaipov.

10.Ózbekstan Respublikası Prezidentiniń 2026-jıl 5-fevraldaǵı "Suw resurslarınan paydalanıw nátiyjeliligin arttırıw boyınsha qosımsha ilajlar haqqında"ǵı PQ-47-sanlı qararınıń Bozataw rayonında orınlanıwı haqqında.
  Málimleme beriwshi: Bozataw rayonı “Suw jetkerip beriw xızmeti” mámleketlik mákemesi direktorı I.Artıqbaev

11. Ózbekstan Respublikası Prezidentiniń “Awıl xojalıǵına mólsherlengen jerlerde ónim jetistiriwdiń úzliksizligin támiyinlew hám jerden paydalanıw nátiyjeliligin arttırıw boyınsha qosımsha ilajlar haqqında”ǵı 2025-jıl 12-sentyabrdegi PF-172-sanlı Pármanınıń orınlanıwın támiyinlew hám rayon aymaǵında suw támiynatı hám suwǵarıw sistemaların jaqsılaw ilajları haqqında.
Qarar joybarın tastıyıqlaw.

Sessiya kún tártibindegi máseleler tolıq qarap shıǵıldı hám deputatlar tárepinen tiyisli sheshimler qabıl etildi.