SAYLOVCHILAR BILAN UCHRAShUVDA MUAMMOLAR OʻRGANILMOQDA

Xalq deputatlari Uzun tumani Kengashi deputati Dilafruz Abdunazarova Uzun tumanidagi “Yangi kuch” mahallasida yashovchi saylovchilari bilan uchrashib, ularni oʻylantirib kelayotgan muammolarini oʻrgandi. 

Saylovchilar bilan suhbatlashilganda “Yangi kuch” mahallasida oqar suv yetishmovchiligi muammosidan qiyinchilik va muammolarga duch kelinayotgani aholi tomonidan bayon etildi. 

Shuningdek, aholining ichimlik suvining markaziy-magistral quvurlardan mahallalarga oʻtgan ichki quvurlarining chirib-eskirib ketganligi, taʼmirtalab ahvolda ekanligi sababli aholining ichimlik suvi bilan taʼminlanishida bir qator qiyinchiliklar yuzaga kelayotganligini eʼtiroz etishdi.

 Yordam soʻrab qilgan murojaatlar deputat tomonidan eʼtiborga olindi va yechimini topish choralari ogʻzaki va deputatlik soʻrovlari orqali boshlab yuborildi.