Xalq deputatlari tuman Kengashi deputati A.Isroilov tomonidan tuman Ichki ishlar bo‘limining yangi binosi qurilishi jarayoni joyiga chiqib o‘rganildi.

O‘rganish davomida yangi binoning qurilish holati, amalga oshirilayotgan qurilish-montaj ishlari, obyektning belgilangan loyiha asosida barpo etilishi hamda ishlarning bajarilish sur’atlariga alohida e’tibor qaratildi.

Shuningdek, qurilish jarayonida bajarilgan ishlarning sifati, foydalanilayotgan qurilish materiallari, hududni obodonlashtirish va obyektni kelgusida foydalanishga topshirish bilan bog‘liq masalalar yuzasidan mas’ullar bilan fikr almashildi.

Deputat tomonidan qurilish ishlarini belgilangan talablar asosida sifatli tashkil etish, mavjud kamchiliklarni o‘z vaqtida bartaraf etish hamda ishlarni belgilangan muddatlarda yakunlash muhimligi ta’kidlandi.

Yangi binoning foydalanishga topshirilishi ichki ishlar xodimlari uchun zamonaviy va qulay mehnat sharoitlarini yaratish, aholiga xizmat ko‘rsatish sifatini oshirish hamda fuqarolarning murojaatlari bilan ishlash samaradorligini yanada yaxshilashga xizmat qiladi.