Uchrashuvda Kengash kotibiyati bosh mutaxassisi M.Quryozov hamda xizmat ko‘rsatuvchi tashkilotlarning mas’ul xodimlari ishtirok etdi.

Hisobot davomida hududdagi muammolarni hal etish, aholi turmush sharoitini yaxshilash va infratuzilmani rivojlantirish borasidagi ishlar haqida ma’lumot berildi. Jumladan, dolzarb masalalar yuzasidan tegishli tashkilotlarga 7 ta deputatlik so‘rovi yuborilgan.

“Nurli hayot” mahallasida 5 milliard so‘m mablag‘ hisobidan 12,2 kilometr ichki ko‘cha tosh bilan qoplandi, 3,6 kilometr ichimlik suvi tarmog‘i tortildi, 3,2 kilometr elektr uzatish tarmog‘i qurilib, 1 ta transformator o‘rnatildi.

“Nayman” mahallasida qariyb 1,2 milliard so‘m mablag‘ evaziga 8 ta ko‘chaning jami 4,7 kilometrlik tuproq yo‘llari shag‘allashtirildi.

Uchrashuv yakunida saylovchilarning fikr-mulohaza va takliflari tinglanib, mavjud muammolarni bartaraf etishda deputat, mas’ul tashkilotlar va aholi hamkorligining ahamiyati ta’kidlandi.

Saylovchilar murojaatlari va hududiy muammolarni hal etish — deputatlik faoliyatining ustuvor yo‘nalishidir.