🌐 Deputatlar va senator uchrashuvi

Bugun Xalq deputatlari Pastdarg‘om tumani Kengashi deputatlari bilan Oliy Majlis Senatining Mudofaa va xavfsizlik masalalari qo‘mitasi raisi o‘rinbosari, senator Abdullayev Bahrom Ismoilovich o‘rtasida uchrashuv bo‘lib o‘tdi.

🤝 Uchrashuv davomida hududlarda deputatlik faoliyatini samarali tashkil etish, fuqarolar murojaatlari bilan ishlash, qonun hujjatlari ijrosi ustidan jamoatchilik va deputatlik nazoratini kuchaytirish hamda mudofaa va xavfsizlik yo‘nalishidagi masalalar yuzasidan fikr almashildi.

📍 Shuningdek, xalq deputatlari Kengashlari bilan Senat o‘rtasidagi hamkorlikni yanada mustahkamlash, hududlarda mavjud masalalarni o‘rganish va ularning yechimiga ko‘maklashish bo‘yicha takliflar bildirildi.

✅ Deputatlar o‘zlarini qiziqtirgan masalalar yuzasidan fikr va takliflarini bildirib, senator bilan ochiq muloqot qildilar.

🇺🇿 Bunday uchrashuvlar hududiy Kengashlar faoliyatini takomillashtirish va deputatlarning vakillik faoliyatini yanada samarali tashkil etishga xizmat qiladi.