Uzun tumani hokimligi binosida O‘zbekiston Respublikasi mustaqilligining 35 yilligi munosabati bilan muhim ma’naviy-ma’rifiy tadbir tashkil etildi.

Unda Muhtaram Prezidentimizning O‘zbekiston xalqiga yo‘llagan bayram nutqida ilgari surilgan ezgu g‘oyalar, muhim tashabbuslar va ustuvor vazifalarning mazmun-mohiyatini keng jamoatchilikka yetkazish masalalariga alohida e’tibor qaratildi.

Mazkur nufuzli tadbirda xalq deputatlari Uzun tumani Kengashi deputati Mastura Mamurjonova ham faol ishtirok etib, minbardan so‘zga chiqdi.
O‘z nutqida u quyidagi muhim jihatlarga to‘xtalib o‘tdi:

Mustaqillik yillarida qo‘lga kiritilgan ulkan yutuqlar va tumanimizda amalga oshirilayotgan tub o‘zgarishlar;

Prezidentimiz tomonidan belgilab berilgan ustuvor vazifalarni hayotga tatbiq etishda deputatlar va keng jamoatchilikning hamkorligi nechog‘li muhimligi;

Har bir fuqaro, ayniqsa, yoshlarni yurtga sadoqat ruhida tarbiyalash, ularning kelajagi uchun yaratilayotgan imkoniyatlardan unumli foydalanish lozimligi.

Tadbir ko‘tarinki ruhda, qizg‘in muloqot va vatanparvarlik ruhidagi chiqishlarga boy tarzda o‘tdi. Bu kabi uchrashuvlar yurtdoshlarimiz qalbida ertangi kunga bo‘lgan ishonchni yanada mustahkamlashga xizmat qiladi.