Xalq deputatlari Uchquduq tuman Kengashi kotibiyat bosh mutaxassisi M.Muhammadiyev tomonidan Kengashning VII-21-16-5-76-K/26-sonli qarori ijrosi yuzasidan Aytim mahallasidagi ko‘p qavatli uylar yonida bolalar maydonchasini tashkil etish va qurilish ishlarining borishi o‘rganildi.

O‘rganish davomida hududda bolalar uchun zamonaviy, qulay va xavfsiz o‘yin maydonchasini barpo etish bo‘yicha amalga oshirilayotgan ishlar, qurilish jarayonining borishi hamda belgilangan vazifalar ijrosiga alohida e’tibor qaratildi.

Bolalar maydonchalarini tashkil etish aholi, ayniqsa, yosh bolali oilalar uchun qulay sharoit yaratishda muhim ahamiyat kasb etadi. Bunday maskanlar bolalarning ochiq havoda mazmunli vaqt o‘tkazishi, tengdoshlari bilan muloqot qilishi, jismoniy faolligini oshirishi hamda sog‘lom turmush tarziga odatlanishiga xizmat qiladi.

Shuningdek, ko‘p qavatli uylar atrofidagi hududlarni obodonlashtirish, bolalar uchun xavfsiz va shinam muhit yaratish, mahallalarda aholi turmush sifatini yaxshilash dolzarb vazifalardan hisoblanadi.

Mazkur o‘rganish Kengash qarorlari ijrosini ta’minlash, amalga oshirilayotgan qurilish va obodonlashtirish ishlarini nazorat qilish hamda aholi uchun yaratilayotgan sharoitlar sifatini baholash maqsadida olib borildi.

Xalq deputatlari Uchquduq tuman Kengashi tomonidan hududlarda amalga oshirilayotgan ishlarni o‘rganish va mavjud masalalar yuzasidan deputatlik nazoratini olib borishga alohida e’tibor qaratilmoqda.