Xalq deputatlari Sharof Rashidov tuman Kengashi Kotibiyati mudiri A.Raxmonov tomonidan Pastki So‘loqli mahallasida fuqarolardan birining yer munosabatlari bilan bog‘liq murojaati yuzasidan mahalla yettiligi bilan hamkorlikda manzilli o‘rganish olib borildi.
O‘rganish doirasida murojaatchining xonadoniga tashrif buyurilib, ko‘tarilgan masalaning mazmun-mohiyati joyiga chiqqan holda o‘rganildi. Murojaatga sabab bo‘lgan holatlar yuzasidan fuqaro bilan suhbatlashilib, mavjud vaziyatni qonunchilik talablari asosida hal etish masalalari muhokama qilindi.
Shuningdek, mahalla yettiligi a’zolari bilan birgalikda muammoning yechimini topish, masalaga tegishli tashkilotlarni jalb etish hamda murojaatni belgilangan tartibda ko‘rib chiqish yuzasidan tegishli vazifalar belgilab olindi.