Muammo nimada? Murojaatda ta’kidlanishicha, “Jiyanbobo” mahalla fuqarolar yig‘ini hududidagi “Qoratepa” va “Guliston” mahallalarini o‘zaro bog‘lovchi Polvon ota ko‘chasining 1 650 metr qismi ko‘p yillardan buyon ta’mirtalab ahvolda qolmoqda.

Yo‘gingarchilik kunlarida loy va noqulayliklar yuzaga kelmoqda;

Quruq va issiq havoda chang ko‘tarilib, aholi va keksalar, maktab o‘quvchilari hamda yosh bolali oilalarning kundalik harakatlanishiga salbiy ta’sir ko‘rsatmoqda;

Transport vositalari harakati qiyinlashib, mahallalararo transport aloqasi va harakat xavfsizligiga to‘sqinlik qilmoqda.

Deputat nimani taklif etmoqda? O‘zbekiston Respublikasi Vazirlar Mahkamasining 2024-yil 11-oktabrdagi 665-sonli qarori talablaridan kelib chiqib, deputat quyidagi masalalarni ko‘rib chiqishni so‘ragan:

Polvon ota ko‘chasining 1 650 metr qismini asfaltlash ishlarini 2027-yilda amalga oshiriladigan dasturga kiritish;

Ushbu loyiha uchun zarur mablag‘larni ajratish va qurilish-ta’mirlash ishlarini belgilangan tartibda tashkil etish;

Mas’ul tashkilotlar bilan birgalikda ko‘chaning texnik holatini baholash va amaliy yordam ko‘rsatish.
Ushbu masalaning ijobiy hal etilishi uchta mahalla (“Jiyanbobo”, “Qoratepa” va “Guliston”) aholisi uchun qulay va xavfsiz harakatlanish sharoitini yaratishga xizmat qiladi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz