Infratuzilma: ishlar joyida o‘rganildi

Xazrati Bob va Ug‘ursoy mahallalaridagi ko‘p qavatli uylar atrofida obodonlashtirish hamda infratuzilmani yaxshilash borasida amalga oshirilayotgan ishlar joyiga chiqib o‘rganildi.

Xalq deputatlari tumani Kengashi deputati, tuman hokimi G‘ulomjon Murodxo‘jayev hududda bo‘lib, PQ-48-sonli qaror asosida ajratilgan 2 milliard 452 million so‘m mablag‘ hisobidan olib borilayotgan ishlarning borishi bilan tanishdi.

Ko‘p qavatli uylar atrofida beton yo‘laklar barpo etish, irrigatsiya tarmoqlarini yaxshilash, hududlarni obodonlashtirish va aholiga qulay shart-sharoit yaratish bo‘yicha amalga oshirilayotgan ishlarning sifati hamda ijro holati ko‘zdan kechirildi.

Aniqlangan masalalar yuzasidan mas’ullarga topshiriq va ko‘rsatmalar berilib, ishlarni sifatli, belgilangan muddatlarda yakunlash hamda hududni obodonlashtirishga alohida e’tibor qaratish vazifalari belgilab berildi.