Xalq deputatlari Qo‘qon shahar Kengashiga 27-“G‘oziyog‘liq” saylov okrugidan saylangan deputat Sh.Rasulova tomonidan “Tug'onboshi” mahalla fuqarolar yig‘inida o‘rganish ishlari olib borildi.

O‘rganish davomida mahalla ijtimoiy xodimi Z.Jo‘rayevaning faoliyati, aholining ijtimoiy ehtiyojlarini aniqlash, ehtiyojmand oilalarni qo‘llab-quvvatlash hamda O‘zbekiston Respublikasining 2020-yil 15-oktabrdagi O‘RQ-641-son “Nogironligi bo‘lgan shaxslarning huquqlari to‘g‘risida”gi Qonuni ijrosi yuzasidan nogironligi bo‘lgan fuqarolarga ijtimoiy xizmatlar ko‘rsatish borasidagi ishlari o‘rganildi.

Mazkur o‘rganish ishlarida Qo‘qon shahar “Inson” ijtimoiy xizmatlar markazi direktori J.Mirzayev va Xalq deputatlari Qo‘qon shahar Kengashi kotibiyati mudiri A.Nosirov ishtirok etdi.

Ma’lum qilinishicha, bugungi kunda “Tug‘onboshi” mahallasida:

️2 ta oila — kambag‘allik chegarasidagi oilalar;

️69 ta oila — kambag‘allik reyestridagi oilalar;

️32 ta oila — davlat ta’minotidagi oilalar hisoblanadi.

️Shuningdek, 24 ta oilaga oziq-ovqat mahsulotlari va kiyim-kechak xarid qilish uchun vaucherlar berilgan.

Mahallada 8 nafar I guruh nogironligi bo‘lgan fuqaro hamda 10 nafar bolalikdan nogironligi bo‘lgan shaxslar mavjud oilalar ro‘yxatga olingan bo‘lib, ularga ehtiyojidan kelib chiqib ijtimoiy xizmatlar ko‘rsatib kelinmoqda.

Xususan, sentyabr oyida nogironligi bo‘lgan fuqarolarga bepul ravishda:

4 ta nogironlar aravachasi;

1 ta qo‘ltiqtayoq;

1 ta ko‘zi ojizlar xassasi;

1 ta ovozli tonometr berilgan.

O‘rganish davomida aholining ijtimoiy himoyaga muhtoj qatlamlariga ko‘rsatilayotgan xizmatlarning manzilliligi, fuqarolarning ehtiyojlarini o‘z vaqtida aniqlash va ularga qonunchilikda belgilangan tartibda amaliy yordam ko‘rsatish masalalari muhokama qilindi.

Xalq deputatlari Qo‘qon shahar Kengashi