#Kunlik_ish_reja
#Tashkilot_bilan_hamkorlik
#Deputatlik_nazorati
#19¹-modda

🚧 Yo‘l infratuzilmasini yaxshilash bo‘yicha deputatlik nazorati olib borildi.

Xalq deputatlari Angor tumani Kengashi 18-Yangi turmush saylov okrugi deputati Yuldosheva Sevara tomonidan hududdagi yo‘l infratuzilmasining holati hamda olib borilayotgan obodonlashtirish va kengaytirish ishlari yuzasidan deputatlik nazorati amalga oshirildi.

O‘rganish davomida Angor tumani yo‘llardan foydalanish korxonasi tomonidan Angor tumani markaziga kirish qismida, Yangi turmush mahallasi At-Termiziy ko‘chasidagi D-025 avtomobil yo‘lining 5,6 kilometr oralig‘ida yo‘lni kengaytirish bo‘yicha olib borilayotgan ishlar ko‘zdan kechirildi.

Deputat tomonidan ishlarning belgilangan talablar asosida, sifatli va o‘z vaqtida amalga oshirilishiga alohida e’tibor qaratildi.Shuningdek, mazkur yo‘lning kengaytirilishi hudud aholisi uchun qulay va xavfsiz harakatlanish sharoitlarini yaratish, transport qatnovini yaxshilash hamda yo‘l harakati xavfsizligini ta’minlashda muhim ahamiyat kasb etishi ta’kidlandi.

📌 Deputatlik nazorati davomida aniqlangan masalalar yuzasidan mas’ullarga tegishli tavsiya va ko‘rsatmalar berildi