Hududiy investitsiya loyihalarining ijrosi o‘rganildi

Xalq deputatlari Termiz tuman Kengashi 3-Nurafshon saylov okrugi hududidan saylangan deputat K. Abdullayeva tomonidan O‘zbekiston Respublikasi Prezidenti hujjatlari, Oliy Majlis palatalari va Hukumat qarorlari, shuningdek, oliy darajadagi tashriflar davomida erishilgan kelishuvlar asosida ishlab chiqilgan “yo‘l xaritalari”da Termiz tumanini ijtimoiy-iqtisodiy rivojlantirish yuzasidan belgilangan chora-tadbirlarning manzilli ijrosi o‘rganildi.

O‘rganish Bunyodkor MFY hududida amalga oshirilib, mahallada faoliyat yuritayotgan hududiy investitsiya loyihalari, jumladan:

🔹 “ASL ORGANIK LIMON” MChJ — issiqxona tashkil etish loyihasi;
🔹 “LIMON ARGANIK” MChJ — issiqxona tashkil etish loyihasi;
🔹 “ORGANIC-LIMON” MChJ — issiqxona tashkil etish loyihasi
faoliyati bilan tanishildi.

O‘rganish davomida investitsiya loyihalarining amalga oshirilish jarayoni, yaratilgan shart-sharoitlar, ishlab chiqarish imkoniyatlari hamda belgilangan chora-tadbirlarning ijrosi ko‘zdan kechirildi.

Mazkur o‘rganish Kengash kotibiyati mudiri A. Avliyakulov hamda tuman Investitsiyalar va tashqi savdo bo‘limi mutaxassisi K. Sagizov ishtirokida tashkil etildi.