📌 DOIMIY KOMISSIYA YIG‘ILISHI

Xalq deputatlari Oqoltin tumani Kengashining navbatdagi 34-sessiyasi kun tartibiga kiritilgan masalalarni ko‘rib chiqish maqsadida Kengashning Mahalliy budjet, tadbirkorlikni rivojlantirish va ijtimoiy islohotlar masalalari bo‘yicha doimiy komissiyasi yig‘ilishi bo‘lib o‘tdi.

Yig‘ilishda “Infratuzilma va ijtimoiy barqarorlik” jamg‘armasidan mablag‘ ajratish to‘g‘risidagi masala muhokama qilindi.

Muhokama davomida jamg‘arma mablag‘larini maqsadli va samarali yo‘naltirish, hududdagi infratuzilma bilan bog‘liq masalalarni hal etish hamda aholining ijtimoiy ehtiyojlarini qondirishga qaratilgan takliflar ko‘rib chiqildi.

Masala yuzasidan doimiy komissiya a’zolari tomonidan fikr-mulohazalar bildirilib, navbatdagi sessiyada ko‘rib chiqish uchun tegishli xulosa va tavsiyalar shakllantirildi.