O‘zb. Res. Prezidentining 2026-yil 5-fevraldagi PQ-49-son qarori ijrosi yuzasidan “og‘ir toifadagi” mahallalardan biri bo‘lgan Ravot mfyda tuman Kengashi Kotibiyati mudiri A. Raxmonov, deputatlar Z.Naxanboyev va I.Azimov tomonidan tuman Kengashi huzuridagi Yoshlar maslahat guruhi a’zolari hamda mahalla yettiligi bilan birgalikda amalga oshirilayotgan bunyodkorlik ishlari o‘rganildi.

Qarorga muvofiq, mahallada ichki yo‘llarning holatini yaxshilash va aholiga qulay transport qatnovini ta’minlash maqsadida 3,1 km uzunlikdagi ichki yo‘lga asfalt qoplamasi yotqizish ishlari amalga oshirildi. O‘rganish davomida bajarilgan asfaltlashtirish ishlarining holati, yo‘l qoplamasining sifati hamda obodonlashtirish ishlari ko‘zdan kechirildi. Mas’ullarga bajarilgan ishlarning belgilangan talablar asosida sifatli yakunlanganligini ta’minlash hamda yo‘lning foydalanish holatini nazorat qilib borish yuzasidan tegishli tavsiyalar berildi.