Kambag‘allikni qisqartirish, aholi bandligini ta’minlash va daromadlarini oshirish masalalariga bag‘ishlangan videoselektor yig‘ilishida berilgan topshiriqlar ijrosini ta’minlash maqsadida Baxmal tumanida tadbirkorlar bilan ochiq muloqot tashkil etildi.

Unda Xalq deputatlari tuman Kengashu deputati, tuman hokimi Aziz Ergashev ishtirok etdi.
Ochiq muloqot davomida hududda tadbirkorlikni rivojlantirish, yangi ish o‘rinlari yaratish, aholi bandligini ta’minlash va daromadlarini oshirish, shuningdek, kambag‘allikni qisqartirish borasida amalga oshirilayotgan ishlar muhokama qilindi.
Tadbirkorlarning faoliyatini kengaytirish, yangi loyihalarni yo‘lga qo‘yish va mavjud muammolarini hal etish bilan bog‘liq masalalar yuzasidan fikr-mulohazalar tinglanib, ularni qo‘llab-quvvatlash bo‘yicha tegishli vazifalar belgilab olindi.