At-Termiziy ko‘chasida asfaltlash ishlari olib borilmoqda

Xalq deputatlari Termiz tuman Kengashi 4-Yangihayot saylov okrugi deputati G. Shafoatova Yangihayot MFY hududidan M39 avtomobil yo‘liga bog‘lovchi At-Termiziy ko‘chasini asfaltlash ishlari jarayonida Kengash raisi S. Nazarov bilan birgalikda ishtirok etdi.

Jarayon davomida yo‘lning belgilangan talablar asosida asfaltlanishi, ishlarning sifati va hudud aholisi uchun yaratilayotgan qulayliklarga e’tibor qaratildi.

Mazkur yo‘lning obodonlashtirilishi natijasida mahalla aholisi va transport vositalari uchun yanada qulay va ravon qatnov sharoiti yaratilishi ko‘zda tutilmoqda.

Deputat tomonidan hududdagi yo‘l infratuzilmasini yaxshilashga qaratilgan ishlarning borishi deputatlik nazorati doirasida kuzatib boriladi.