Xalq deputatlari Tuproqqal’a tuman Kengashi deputati Z.Raximberganova ijtimoiy reestrda turuvchi fuqarolar bilan uchrashuv o‘tkazdi.
Uchrashuv davomida ijtimoiy himoyaga muhtoj oilalarga davlatimiz tomonidan yaratilayotgan imkoniyatlar, berilayotgan imtiyozlar va ko‘rsatilayotgan ijtimoiy xizmatlar turmush tarzini yaxshilashda muhim ahamiyat kasb etayotgani ta’kidlandi.
Deputat fuqarolarga ijtimoiy yordam paketlari, ulardan foydalanish tartibi hamda bandlik va salomatlikni muhofaza qilish yo‘nalishidagi yengilliklar bo‘yicha batafsil tushuntirish va huquqiy maslahatlar berdi. Fuqarolar tomonidan berilgan savollarga atroflicha javob qaytarilib, bildirilgan murojaatlar va takliflar nazoratga olindi.