🔰XOTIN-QIZLAR BILAN ISHLASH SAMARADORLIGI O‘RGANILDI

♻️Xotin-qizlarning huquq va manfaatlarini ta’minlash, ularning bandligini oshirish, ijtimoiy faolligini qo‘llab-quvvatlash hamda muammolarini manzilli hal etish mahallalarda olib borilayotgan ishlarning muhim yo‘nalishlaridan biridir.
♻️Shu maqsadda Xalq deputatlari Jondor tumani Kengashi deputati I. Xolov hamda tuman Kengashi kotibiyati bosh mutaxassisi J. Norov hamkorligida “Eronshoh” mahallasida xotin-qizlar faoli tomonidan amalga oshirilayotgan ishlar samaradorligi o‘rganildi.
♻️O‘rganish davomida mahalladagi xotin-qizlar bilan individual ishlash, ularning murojaat va muammolarini o‘rganish, ijtimoiy himoyaga muhtoj ayollarni qo‘llab-quvvatlash, bandligini ta’minlash hamda tadbirkorlik faoliyatiga jalb etish borasida amalga oshirilayotgan ishlar tahlil qilindi.
♻️Shuningdek, “Ayollar daftari”ga kiritilgan xotin-qizlar bilan ishlash, ularning muammolarini tegishli tashkilotlar bilan hamkorlikda hal etish, kasb-hunarga o‘qitish va daromad manbalarini yaratish bo‘yicha olib borilayotgan ishlarning amaliy natijalariga e’tibor qaratildi.
♻️O‘rganish yakunida aniqlangan masalalar yuzasidan mas’ullarga tegishli tavsiyalar berilib, xotin-qizlar bilan ishlash samaradorligini yanada oshirish, mavjud muammolarni manzilli hal etish va amalga oshirilayotgan ishlarning natijadorligini ta’minlash bo‘yicha vazifalar belgilab olindi.
👉Xotin-qizlarni qo‘llab-quvvatlash, ularning muammolarini o‘z vaqtida aniqlash va hal etish deputatlik nazoratining muhim yo‘nalishlaridan biri bo‘lib, bu boradagi o‘rganishlar izchil davom ettiriladi.

🇺🇿Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt