24 ta tavsiyada belgilangan vazifalar bo‘yicha amaliy ishlar olib borilmoqda.

Xalq deputatlari Andijon shahar Kengashi deputati Avazbek Appaqov tomonidan «Mustaqillik» MFYda istiqomat qiluvchi nuroniy ayollar bilan muloqot o‘tkazildi.

Muloqot davomida nuroniy ayollarning fikr va takliflari, ularni qiynayotgan masalalar hamda mahalladagi ijtimoiy muhit yuzasidan suhbatlashildi.

Shuningdek, mahallada nuroniylarni qo‘llab-quvvatlash, ularning hayotiy tajribasidan samarali foydalanish, yoshlar tarbiyasida faol ishtirokini ta’minlash hamda avlodlar o‘rtasidagi hamjihatlikni mustahkamlash masalalari muhokama qilindi.

Uchrashuv yakunida bildirilgan taklif va murojaatlarni o‘rganish, tegishli masalalarni hal etish hamda belgilangan vazifalar ijrosini ta’minlash bo‘yicha kelishib olindi.