Xalq deputatlari Oltinsoy tumani Kengashi raisi, 22-“Mingchinor” saylov okrugidan saylangan deputat Turdiyev Akrom Abdimuratovich boshchiligida ishchi guruh tomonidan “Hayrondara” mahallasida atroflicha o‘rganish tadbiri o‘tkazildi.

Soha mas’ullari hamda deputatlar ishtirok etgan ushbu tadbirda “Yangi O‘zbekiston qiyofasi” dasturi doirasida mahalla hududida olib borilayotgan xatlov jarayonlari, belgilangan ustuvor vazifalar hamda qonunchilik hujjatlari va tavsiyalarining ijro etilish holati atroflicha tahlil qilindi.

O‘rganish jarayonida Xalq deputatlari Surxondaryo viloyati Kengashi deputati A.Oripov, Xalq deputatlari Oltinsoy tuman Kengash kotibiyati mudiri M.Xujanov hamda Kengash kotibiyati bosh mutaxassislari A.Esanov va I.Roziqovlar faol ishtirok etdilar.

Uchrashuv va muloqotlar davomida mahalla fuqarolar yig‘ini faollari, soha va tegishli tashkilotlar mas’ullari bilan birgalikda hududda amalga oshirilayotgan bunyodkorlik hamda obodonlashtirish ishlari, aholini o‘ylantirayotgan masalalar va ularning yechimi bo‘yicha amalga oshirilayotgan choralar muhokama qilindi. Shuningdek, aniqlangan kamchiliklarni bartaraf etish hamda qonunlar va tavsiyalar ijrosini samarali tashkil etish yuzasidan mas’ullarga tegishli tavsiya va ko‘rsatmalar berildi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz