Bepul dori vositalari bilan ta’minlash holati o‘rganildi

📍 Xalq deputatlari O‘rta Chirchiq tuman Kengashi deputati B.Baxovadinov tomonidan “Kim Pen Xva” mahallasida joylashgan 53-son oilaviy poliklinikada aholiga bepul beriladigan dori vositalari bilan ta’minlash holati o‘rganildi.

💊O‘rganish davomida poliklinikada aholining imtiyozli toifalariga belgilangan tartibda bepul dori vositalarini yetkazib berish, ularning mavjudligi, saqlanishi hamda fuqarolarga o‘z vaqtida tarqatilishi holatiga alohida e’tibor qaratildi.

🧪Dori vositalarini olish uchun murojaat qilayotgan fuqarolar bilan suhbatlar o‘tkazilib, ularning fikr-mulohazalari tinglandi. Aholiga bepul dori vositalarini berish jarayonida yuzaga kelayotgan muammolar va kamchiliklarni aniqlash hamda ularni bartaraf etish bo‘yicha mas’ullarga tegishli tavsiyalar berildi.

🩸 O‘rganish yakunida aholining dori-darmonlarga bo‘lgan ehtiyojini o‘z vaqtida ta’minlash, bepul beriladigan dori vositalaridan belgilangan tartibda va samarali foydalanilishini nazorat qilish hamda fuqarolarning murojaatlarini e’tiborsiz qoldirmaslik yuzasidan vazifalar belgilab olindi.

✅Xalq deputatlari O'rta Chirchiq tuman Kengashi kotibiyati axborot xizmati!