🏘 MAHALLADAGI DOLZARB MASALALAR MUHOKAMA QILINDI

🤝 Xalq deputatlari Sherobod tumani Kengashi 7-Boybuloq saylov okrugi deputati L. Xakimova va Kengash kotibiyati bosh mutaxassisi S. Safarov tomonidan “Boybuloq” mahalla fuqarolar yig‘ini raisi O. Mengliyeva bilan mahallada amalga oshirilishi lozim bo‘lgan ishlar yuzasidan suhbat o‘tkazildi.
🌱 Suhbat davomida “Yangi O‘zbekiston qiyofasini yaratish” yo‘nalishida amalga oshirilayotgan ishlar, mahallaning obodonlashtirish va sanitariya-tozalik holati, ko‘chalar va yo‘llarning ahvoli, piyodalar uchun yaratilgan sharoitlar, ko‘cha yoritish tizimi, chiqindilarni bartaraf etish hamda aholini qiynayotgan boshqa dolzarb masalalar muhokama qilindi.
💡 Shuningdek, mahalladagi mavjud muammolarni o‘rganish, ularni bartaraf etish bo‘yicha tegishli choralarni belgilash hamda aholi murojaatlarini o‘z vaqtida ko‘rib chiqish masalalariga alohida e’tibor qaratildi.
📌 Mahalla rivoji va aholi manfaatlari — doimiy e’tiborda!

Xalq deputatlari Sherobod tumani Kengashi kotibiyati matbuot xizmati.