Sarmich mahallasida xotin-qizlar bilan bog‘liq amalga oshiriladigan ishlar muhokama qilindi

✅ Xalq deputatlari Yangiobod tuman Kengashi raisi, deputat X. Tilakov ishtirokida viloyat Oila va xotin-qizlar bo‘limi hamda tuman Oila va xotin-qizlar bo‘limi mas’ullari bilan birgalikda Sarmich mahallasida xotin-qizlar yo‘nalishida amalga oshirilishi lozim bo‘lgan ishlar muhokama qilindi.

💬 Muhokama davomida mahalladagi xotin-qizlarning bandligini ta’minlash, ularni tadbirkorlikka jalb etish, ijtimoiy himoyaga muhtoj ayollar bilan manzilli ishlash, oilaviy muammolarning oldini olish hamda xotin-qizlarning mavjud imkoniyatlardan samarali foydalanishini ta’minlash masalalariga alohida e’tibor qaratildi.

🤝 Shuningdek, xotin-qizlar bilan ishlashda hududdagi mavjud muammolarni o‘z vaqtida aniqlash, ularni tegishli tashkilotlar bilan hamkorlikda hal etish, ehtiyojmand oilalarga amaliy ko‘mak ko‘rsatish va belgilangan vazifalarning ijrosini ta’minlash yuzasidan fikr almashildi.

📌 Muhokama yakunida Sarmich mahallasida xotin-qizlarga oid yo‘nalishlarda amalga oshiriladigan ishlarni tizimli tashkil etish, aniqlangan masalalar bo‘yicha tegishli tavsiyalar berish hamda natijadorlikni oshirish bo‘yicha vazifalarga e’tibor qaratildi.

✅ Mazkur yo‘nalishdagi ishlarning amalga oshirilishi va belgilangan vazifalar ijrosi deputatlik nazorati doirasida e’tiborda bo‘ladi.