Xalq deputatlari Yangiobod tuman Kengashi raisi, deputat X.Tilakov tomonidan Sovot mahallasida mahalla vakillari bilan hamkorlikda aholi bandligini ta’minlash, oilalar daromadlarini oshirish hamda fuqarolarni qiynab kelayotgan muammolarni aniqlash yuzasidan manzilli o‘rganish ishlari olib borildi.

🔎 O‘rganish davomida mahalladagi fuqarolarning bandlik holati, doimiy daromad manbalari, mehnat qilish imkoniyatlari, kasb-hunar egallash va tadbirkorlik faoliyatini yo‘lga qo‘yish imkoniyatlari tahlil qilindi.

💼 Ayniqsa, ishsiz va doimiy daromad manbaiga ega bo‘lmagan fuqarolarni mavjud bo‘sh ish o‘rinlariga yo‘naltirish, kasb-hunarga o‘qitish, o‘zini o‘zi band qilish hamda tadbirkorlik faoliyatiga jalb etish orqali oilalar daromadini oshirish masalalariga alohida e’tibor qaratildi.

🏠 Shuningdek, xonadonlar kesimida fuqarolar bilan suhbatlar o‘tkazilib, ularning ijtimoiy-iqtisodiy holati, kundalik hayotida uchrayotgan muammolari va ehtiyojlari o‘rganildi. Fuqarolar tomonidan bildirilgan murojaat va takliflar tinglanib, ularni tegishli tashkilotlar bilan hamkorlikda hal etish bo‘yicha fikrlar almashildi.

🤝 Mahalla vakillari bilan birgalikda har bir oilaning imkoniyatlaridan samarali foydalanish, mehnatga layoqatli fuqarolarni bandlikka jalb etish, oilaviy tadbirkorlikni rivojlantirish va qo‘shimcha daromad manbalarini yaratishga ko‘maklashish muhimligi ta’kidlandi.

📌 Xalq deputatlari tuman Kengashi raisi tomonidan aniqlangan muammolarni shunchaki qayd etish bilan cheklanib qolmasdan, ularning amaliy yechimini topish, mas’ul tashkilotlarni jalb etish va natijadorligini deputatlik nazorati asosida kuzatib borish zarurligi qayd etildi.

⚙️ Mazkur o‘rganishlar mahallalarda aholi bilan bevosita muloqotni kuchaytirish, mavjud muammolarni joyida aniqlash, fuqarolarning bandligini ta’minlash va oilalar farovonligini oshirishga qaratilgan amaliy choralarning muhim qismidir.